ಅದೆಷ್ಟು ಬಾರಿ ಛಾಯಾಚಿತ್ರವ
ನೋಡಿ ನಿನ್ನ ನೀ ನೋಯಿಸಿಕೊಳ್ಳುತ್ತೀಯಾ?
ಬೇಡ ಬಿಟ್ಟು ಬಿಡು ಈ ದ್ವಂದ್ವವ
ಮತ್ತೆ ಮತ್ತೆ ಛಿದ್ರವಾಗುವ ಆಸೆಯೇತಕೆ?
ಸಲ್ಲದ ಆಸೆಯ ಸುಟ್ಟು
ಸುಮ್ಮನೆ ನಿರಮ್ಮಳವಾಗಿಬಿಡು
ಎಂದೂ ದಕ್ಕದ ನವ್ಯ ಕಾವ್ಯವ
ಅಂತರಗಕ್ಕಿಳಿಸುವ ಹುಕಿ ಏತಕೆ?
ಸ್ತಬ್ಧ ಕಾಳಿರುಳಿನ ದುರ್ಭರ
ಕ್ಷಣಗಳನು ಒಮ್ಮೆ ಭರಿಸಿಬಿಡು
ಕಣ್ಣ ಹನಿಯ ಇಂಗಿಸಿ
ಮಳೆ ಹನಿಸುವ ಹುಚ್ಚು ಕನಸೇತಕೆ?
ಕೂಡುವ ಮುನ್ನವೇ ಕವಲೊಡೆದ ನಿಸ್ತೇಜ
ಹಾದಿಯ ಒಂದುಗೂಡಿಸುವ ಹಂಬಲ ಬಿಡು
ಹರಿಯದ ನದಿಗೆ ವಿಶಾಲ ಶರಧಿಯ
ಸೇರುವ ಹುಸಿ ಕನವರಿಕೆಯೇತಕೆ?
ಕತ್ತಲ ಬೆರಳುಗಳು ಉತ್ಖನನ
ಮಾಡಿದರಷ್ಟೇ ಜಗಕೆ ಬೆಳಕು
ಕಂಬಳಿ ಹುಳವೂ ರೂಪಾಂತರಗೊಂಡು
ಪಟಪಟ ರೆಕ್ಕೆ ಬಡಿವ ಚಿಟ್ಟೆಯಾಗುತ್ತದೆ
ನೀನಾಗಲಾರೆ ಬಾನೆತ್ತರಕ್ಕೆಹಾರಲಾರೆ
ಅನ್ನೋ ನಿರಾಸೆಯ ಬಿಡು
ಭರವಸೆಯ ಬೆನ್ನು ಹತ್ತಿ
ಒಮ್ಮೆ ರೆಕ್ಕೆ ಕೊಡವಿಬಿಡು
ಮತ್ತೆ ನೋಡು,
ನೀನಾಕಾಶದಲ್ಲಿ, ಜಗ ನಿನ್ನ ಪದತಲದಲ್ಲಿ
ನೋಡಿ ನಿನ್ನ ನೀ ನೋಯಿಸಿಕೊಳ್ಳುತ್ತೀಯಾ?
ಬೇಡ ಬಿಟ್ಟು ಬಿಡು ಈ ದ್ವಂದ್ವವ
ಮತ್ತೆ ಮತ್ತೆ ಛಿದ್ರವಾಗುವ ಆಸೆಯೇತಕೆ?
ಸಲ್ಲದ ಆಸೆಯ ಸುಟ್ಟು
ಸುಮ್ಮನೆ ನಿರಮ್ಮಳವಾಗಿಬಿಡು
ಎಂದೂ ದಕ್ಕದ ನವ್ಯ ಕಾವ್ಯವ
ಅಂತರಗಕ್ಕಿಳಿಸುವ ಹುಕಿ ಏತಕೆ?
ಸ್ತಬ್ಧ ಕಾಳಿರುಳಿನ ದುರ್ಭರ
ಕ್ಷಣಗಳನು ಒಮ್ಮೆ ಭರಿಸಿಬಿಡು
ಕಣ್ಣ ಹನಿಯ ಇಂಗಿಸಿ
ಮಳೆ ಹನಿಸುವ ಹುಚ್ಚು ಕನಸೇತಕೆ?
ಕೂಡುವ ಮುನ್ನವೇ ಕವಲೊಡೆದ ನಿಸ್ತೇಜ
ಹಾದಿಯ ಒಂದುಗೂಡಿಸುವ ಹಂಬಲ ಬಿಡು
ಹರಿಯದ ನದಿಗೆ ವಿಶಾಲ ಶರಧಿಯ
ಸೇರುವ ಹುಸಿ ಕನವರಿಕೆಯೇತಕೆ?
ಕತ್ತಲ ಬೆರಳುಗಳು ಉತ್ಖನನ
ಮಾಡಿದರಷ್ಟೇ ಜಗಕೆ ಬೆಳಕು
ಕಂಬಳಿ ಹುಳವೂ ರೂಪಾಂತರಗೊಂಡು
ಪಟಪಟ ರೆಕ್ಕೆ ಬಡಿವ ಚಿಟ್ಟೆಯಾಗುತ್ತದೆ
ನೀನಾಗಲಾರೆ ಬಾನೆತ್ತರಕ್ಕೆಹಾರಲಾರೆ
ಅನ್ನೋ ನಿರಾಸೆಯ ಬಿಡು
ಭರವಸೆಯ ಬೆನ್ನು ಹತ್ತಿ
ಒಮ್ಮೆ ರೆಕ್ಕೆ ಕೊಡವಿಬಿಡು
ಮತ್ತೆ ನೋಡು,
ನೀನಾಕಾಶದಲ್ಲಿ, ಜಗ ನಿನ್ನ ಪದತಲದಲ್ಲಿ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ