ಅತ್ತು ಬಿಡು ಮನವೇ ಒಮ್ಮೆ
ಅತ್ತು ನಿರಮ್ಮಳವಾಗಿಬಿಡು
ಮತ್ತೆ ಮತ್ತೆ ಬಿಕ್ಕಳಿಸಿ
ಮೌನದಿ ನಿಟ್ಟುಸಿರ ಬಿಟ್ಟು
ನೋವ ಬೆಂಕಿಗೆ ಹಾರಿ
ನಿನ್ನೊಳಗೆ ಮಡುಗಟ್ಟಿದ ಜ್ವಾಲಾಮುಖಿಯೊಳು
ನಿನ್ನ ನೀ ಸ್ಪೋಟಿಸಿಕೊಂಡು
ನಿಷ್ಕಾರಣವಾಗಿ ನಿನ್ನನೇ ಶಿಕ್ಷಿಸದಿರು
ನೂರು ಹೋಳಾಗಿ ಒಡೆದು ಚೂರಾದ
ಕನ್ನಡಿಗೆ ಮತ್ತೆ ಮತ್ತೆ ತೇಪೆ
ಹಚ್ಚಿ ಮೂಡಿಸಲು ಪ್ರತಿಬಿಂಬ
ಮಾಡದಿರು ವ್ಯರ್ಥ ಪ್ರಯತ್ನ
ಒಂದುಗೂಡಿಸಿ ನೂರು ಸೀಳಾಗಿ
ಕಾಣೋ ವಿರೂಪ ಬಿಂಬಕಿಂತ
ಚದುರಿದ ನೂರು ಚೂರುಗಳಲಿ
ನೂರಾಗಿ ಕಾಣೋ ಬಿಂಬವೇ ಲೇಸು
ನೆಗೆನೆಗೆದು ಗೋಡೆಗಪ್ಪಳಿಸಿದ ಚೆಂಡು
ಪುಟಿದು ಹಿಂದಿರುಗಲೇ ಬೇಕು ಎಸೆದ ಕೈಗೆ
ನಿನ್ನಾಳದಲಿ ಮೂಡಿದ ಗಾಯ ಮುಚ್ಚಲು
ಕಟ್ಟದಿರು ಪಟ್ಟಿ ಬಚ್ಚಿಟ್ಟು
ಗಾಯ ಮಾಗದೆ ಕೊಳೆತು ಹೋದೀತು
ಗೊತ್ತೇ ಆಗದಂತೆ ಮುಚ್ಚಿದ ಪಟ್ಟಿಯೊಳು
ತೆರೆದಿಟ್ಟು ಗಾಯವ ಗಾಳಿಗೆ
ನಿಶ್ಚಿಂತೆಯಿಂದ ಉಸಿರಾಡಲು
ಬಿಟ್ಟು ಬಿಡು ವಿನಾಕಾರಣ
ಗಾಯ ಮಾಗಿ ಹೋಗಲಿ
ಕಲೆಯೂ ಉಳಿಯದಂತೆ
ಅತ್ತು ನಿರಮ್ಮಳವಾಗಿಬಿಡು
ಮತ್ತೆ ಮತ್ತೆ ಬಿಕ್ಕಳಿಸಿ
ಮೌನದಿ ನಿಟ್ಟುಸಿರ ಬಿಟ್ಟು
ನೋವ ಬೆಂಕಿಗೆ ಹಾರಿ
ನಿನ್ನೊಳಗೆ ಮಡುಗಟ್ಟಿದ ಜ್ವಾಲಾಮುಖಿಯೊಳು
ನಿನ್ನ ನೀ ಸ್ಪೋಟಿಸಿಕೊಂಡು
ನಿಷ್ಕಾರಣವಾಗಿ ನಿನ್ನನೇ ಶಿಕ್ಷಿಸದಿರು
ನೂರು ಹೋಳಾಗಿ ಒಡೆದು ಚೂರಾದ
ಕನ್ನಡಿಗೆ ಮತ್ತೆ ಮತ್ತೆ ತೇಪೆ
ಹಚ್ಚಿ ಮೂಡಿಸಲು ಪ್ರತಿಬಿಂಬ
ಮಾಡದಿರು ವ್ಯರ್ಥ ಪ್ರಯತ್ನ
ಒಂದುಗೂಡಿಸಿ ನೂರು ಸೀಳಾಗಿ
ಕಾಣೋ ವಿರೂಪ ಬಿಂಬಕಿಂತ
ಚದುರಿದ ನೂರು ಚೂರುಗಳಲಿ
ನೂರಾಗಿ ಕಾಣೋ ಬಿಂಬವೇ ಲೇಸು
ನೆಗೆನೆಗೆದು ಗೋಡೆಗಪ್ಪಳಿಸಿದ ಚೆಂಡು
ಪುಟಿದು ಹಿಂದಿರುಗಲೇ ಬೇಕು ಎಸೆದ ಕೈಗೆ
ನಿನ್ನಾಳದಲಿ ಮೂಡಿದ ಗಾಯ ಮುಚ್ಚಲು
ಕಟ್ಟದಿರು ಪಟ್ಟಿ ಬಚ್ಚಿಟ್ಟು
ಗಾಯ ಮಾಗದೆ ಕೊಳೆತು ಹೋದೀತು
ಗೊತ್ತೇ ಆಗದಂತೆ ಮುಚ್ಚಿದ ಪಟ್ಟಿಯೊಳು
ತೆರೆದಿಟ್ಟು ಗಾಯವ ಗಾಳಿಗೆ
ನಿಶ್ಚಿಂತೆಯಿಂದ ಉಸಿರಾಡಲು
ಬಿಟ್ಟು ಬಿಡು ವಿನಾಕಾರಣ
ಗಾಯ ಮಾಗಿ ಹೋಗಲಿ
ಕಲೆಯೂ ಉಳಿಯದಂತೆ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ