ಮತ್ತೆ ಬೇಕು ಏಕಾಂತ
ಬಿಸಿಲ ಕೋಲಿನ ಧೂಳ ಕಣಗಳ
ಮುಷ್ಟಿಯಲಿ ಬಂಧಿಸಲೆತ್ನಿಸುವ
ನಿರ್ಮಲ ಸುಖ
ಸಂಜೆಗೆಂಪು ಹೆಪ್ಪುಗಟ್ಟಿದ ಹೊತ್ತಲ್ಲಿ
ಗುರಿಯಿರದೆ ಸಾಗುವ ಮೋಡಗಳ
ನಿಲ್ಲಿಸಿ ಮಾತಾಡಿಸಿ ಬೀಳ್ಕೊಡಬೇಕು
ಮತ್ತೆ ಬೇಕು ಏಕಾಂತ
ಆಕಾಶದ ಅಂಗಳದ ತುಂಬಾ
ಹರಡಿರುವ ನಕ್ಷತ್ರಗಳ
ಬೆರಳುಗಳಲಿ ಎಣಿಸಬೇಕು
ಮತ್ತೆ ಬೇಕು ಏಕಾಂತ
ಸ್ತಬ್ಧ ರಾತ್ರಿಯಲಿ ಎದ್ದು ಕೂತು
ಉದ್ದಕ್ಕೆ ಹರಡಿರುವ ಕತ್ತಲಿನ
ಗರ್ಭ ಸೀಳಬೇಕು
ಮತ್ತೆ ಬೇಕು ಏಕಾಂತ
ಮಿನುಗುವ ಮಿಂಚುಹುಳದ
ಜಾಡರಸಿ ಹಗಲಿಡೀ ಅಲೆದು
ಹುಚ್ಚುತನಕೆ ಬೇಸ್ತು ಬೀಳಬೇಕು
ಮತ್ತೆ ಬೇಕು ಏಕಾಂತ
ತಪ್ತ ಹೃದಯಕ್ಕೊಂದು ಅನುಸಂಧಾನ
ಸಮಯದ ಸಬೂಬಿಗೊಂದು ವಿರಾಮ
ನನ್ನಲಿ ನಾ ಏಕೀಭವಿಸಬೇಕು
ಹೌದು, ಮತ್ತೆ ಬೇಕು ಒಂದು ಏಕಾಂತ.
ಬಿಸಿಲ ಕೋಲಿನ ಧೂಳ ಕಣಗಳ
ಮುಷ್ಟಿಯಲಿ ಬಂಧಿಸಲೆತ್ನಿಸುವ
ನಿರ್ಮಲ ಸುಖ
ಸಂಜೆಗೆಂಪು ಹೆಪ್ಪುಗಟ್ಟಿದ ಹೊತ್ತಲ್ಲಿ
ಗುರಿಯಿರದೆ ಸಾಗುವ ಮೋಡಗಳ
ನಿಲ್ಲಿಸಿ ಮಾತಾಡಿಸಿ ಬೀಳ್ಕೊಡಬೇಕು
ಮತ್ತೆ ಬೇಕು ಏಕಾಂತ
ಆಕಾಶದ ಅಂಗಳದ ತುಂಬಾ
ಹರಡಿರುವ ನಕ್ಷತ್ರಗಳ
ಬೆರಳುಗಳಲಿ ಎಣಿಸಬೇಕು
ಮತ್ತೆ ಬೇಕು ಏಕಾಂತ
ಸ್ತಬ್ಧ ರಾತ್ರಿಯಲಿ ಎದ್ದು ಕೂತು
ಉದ್ದಕ್ಕೆ ಹರಡಿರುವ ಕತ್ತಲಿನ
ಗರ್ಭ ಸೀಳಬೇಕು
ಮತ್ತೆ ಬೇಕು ಏಕಾಂತ
ಮಿನುಗುವ ಮಿಂಚುಹುಳದ
ಜಾಡರಸಿ ಹಗಲಿಡೀ ಅಲೆದು
ಹುಚ್ಚುತನಕೆ ಬೇಸ್ತು ಬೀಳಬೇಕು
ಮತ್ತೆ ಬೇಕು ಏಕಾಂತ
ತಪ್ತ ಹೃದಯಕ್ಕೊಂದು ಅನುಸಂಧಾನ
ಸಮಯದ ಸಬೂಬಿಗೊಂದು ವಿರಾಮ
ನನ್ನಲಿ ನಾ ಏಕೀಭವಿಸಬೇಕು
ಹೌದು, ಮತ್ತೆ ಬೇಕು ಒಂದು ಏಕಾಂತ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ